Подробно о нас

2 Күүлэт нэиһилиэгэ 1894 сыллаахха тэриллибитэ. Бүлүү куоратыттан 180 км. Ыраах сытар, иэнэ 370 тыһ. Га. Олорор киһитин ахсаана — 420.

1940 сыллаахха бастакы ааҕар балаҕан 2 Күүлэт нэһилиэгэр «Балаахаан» диэн сиргэ тэриллибитэ. Бастакы бибилиотекарынан Алексеева Анна Афанасьевна үлэлээбитэ. Ол кэмҥэ кулууп суоҕа да буоллар араас тэрээһиннэр барыта ааҕар балаҕан иһинэн ыытыллаллара. 1949 сыллаахха 2 Күүлэт нэһилиэгэр көһөрөн аҕалан бастакы кулууп тэриллибитэ (СДК). Манна бибилиотека , совхоз отделенията баар этэ. Директорынан күтүөттүү кэлбит Үгүлээт нэһилиэгиттэн сылдьар Лукин Филипп Петрович үлэлээбитэ, уус-уран салаайааччынан эмиэ Үгүлээт нэһилиэгиттэн сылдьар Лукин Василий Капитонович. Кыараҕас да буоллар кинилэр араас тэрээһиннэри иилээн саҕалаан ыыталлара, ол курдук нэһилиэк самодеятельностарын мунньан үҥкүү, ырыа, сценка курдук түмсүүлэри тэрийбиттэрэ. Суол суоҕунан, ыраах сытарбытынан нэһилиэктэн ыраах барбат этилэр, тракторынан чугас нэһилиэктэргэ гастроллуур этилэр, нэһилиэги биллэрдик сэргэхсиппиттэрэ. Дьон күүстээх үлэ кэнниттэн сынньана, сэһэргэһэ кулууп дьиэтигэр үөрүүнэн мусталлара. Ол кэмҥэ оһуохайдьыттар Кириллин Дмитрий Павлович,Кириллина Екатерина, Алексеев Николай Афанасьевич этилэр. Кинилэри кытта күрэхтэһэ ыһыах бириэмэтигэр 1 Күүлэттэн кэлэллэрэ. Кириллин Николай Афанасьевич оһуохайга бэйэтин талаанынан, чуор, кэрэ куолаһынан тэҥнээҕин булбатаҕа.

1955 сыллаахха кулууп директорынан Павлов Павел (аҕатын аҕата биллибэт) үлэлээбитэ. Уус-уран салайааччынан Афанасьев Иван (аҕатын аҕата биллибэт). Кинилэр баяҥҥа доҕуһуоллаан ырыаһыттары концерт аайы ыллатан, оҕолору баяҥҥа үөрэтэн эмиэ саҥа сабыдыаллары киллэрбиттэрэ. Сценаҕа тахсан баянынан музыкальнай нүөмэрдэри көрдөрөн нэһилиэк дьонун сэргэхсиппиттэрэ. Бүлүү оройуонугар биллэр тойуксут Афанасьев Семен Иванович этэ. 1961 сыллаахха бастакы киномотографияҕа механигынан Дмитриев Василий Васильевич 1997 сылга дылы үлэлээбитэ. Араас интэриэһинэй киинэлэри көрдөрөн нэһилиэк дьонун биллиэрдик ылларан, сэргээн көрөллөрө. Үлэтин бастакы сылларыгар Василий Васильевич киинэлэрин 1 Күүлэт нэһилиэгиттэн табаннан, атынан бэйэтэ тиэйэн аҕалара, онтон хойут киносеть тэрилтэтэ бэйэтэ самолетунан ыытар буолбута. 1988 сыллаахха «Ветеран труда» буолбута. «Ветеран кино Якутии» бэлиэни 1998 сыллаахха ылбыта. 1994 сыллаахха Бүлүүтээҕи киносеть «Бочуотун кинигэтигэр» киллэриллибитэ. Уонна араас бочуоттаах грамоталарынан наҕараадаламмыта.

Васильев Кирилл Прокопьевич 1962 сыллаахха Үгүлээт орто отскуолатын ситиһиилээхтик бүтэрэн оройуоннааҕы культура отделениятын бирикээһинэн бэс ыйыттан 2 Күүлэт кулуубун сэбиэдиссэйинэн үлэлии кэлбитэ. Уус-уран салайааччыннан Ылахов Иван Петрович уонна уруһуйдьутунан Софронов Гаврил Васильевич (Хобой) үлэлээбиттэрэ. Ол сыллар кэмнэрин курдук баяҥҥа оонньуура уонна баянынан ырыа толороро. Нэһилиэккэ кини элбэх ырыаһыттары таһаарбыта, ол курдук Васильева АнисьяПркопьевна, Алексеева Матрена, Типанова Анастасия Васильевна, Алексеева Мария, Васильев Гаврил Ионович, Типанов Николай Васильевич. Бүлүүгэ ырыа күрэҕэр Гоголев Дима, Раев Дима, Түүлээхэп Миша, Типанова Анастасия Васильевна уонна Кирилл Прокопьевич дипломант анал ааты ылан кэлбиттэрэ. Ону таһынан Иван Петрович Ылахов салайыытынан үҥкүүһүттэр бөлөхтөрө тэриллибитэ, активнай кыттааччыларынан Чемчоева Люция Гаврильевна, Егоров Ариан буолаллар. Якутскай куоракка фестивальга үҥкүүлээн дипломант анал аатын ылан үөрэн-көтөн кэлтэрэ. 1964 сыллаахха Лукин Иван Васильевич директорынан үлэлээбитэ, уус-уран салайааччынан Ылахов Иван Петрович. Ити кэмнэргэ Надежда Иннокентьевна бибилиотекарынан ананан кэлбитэ. Библиотекатын эрэ үлэтинэн муҥурдаммакка кулууп үлэтигэр эмиэ элбэх кылаатын киллэрбитэ. Дьону түмэ тардан араас кружоктары тэрийэн ыытан саҕалаабыта. Концертка, фестивалларга кыттар таҥастарын бары бииргэ түмсэн, бииргэ кырыйан, дьиэҕэ тигэн бэлэмнэнэллэрэ. Сааамай табыллыбыт үҥкүүтэ «Булчут үҥкүүтэ» диэн этэ. Кини атын да үҥкүүлэрэ республикатааҕы көрүүгэ лауреат аатын уонна махтал грамоталары ылбыттара. Маны таһынан Мастаах совхозка фестивалларга куруук бастыыллара. Надежда Иннокентьевна бэйэтин ахтыытытыгар этэринии мантан, 2 Күүлэт нэһилиэгиттэн кынаттанан тахсан Саха АССР, РСФСР, Саха Республикатын, Саха АССР Верховнай сэбиэтин, Саха Республикатын Бочуотунай грамоталарынан сыаналанан үрдүк ааттары ылбыта.  Нэһилиэк дьоно билигин да кинини саныы, махтана сылдьаллар. Пьесаҕа оонньуур дьон: Кириллин Николай Иосифович, Онопров Прокопий Александрович, Игнатьев Алексей Степанович, Захарова Александра Петровна, Кириллина Анастасия Васильевна, Григорьева Мария Дмитриевна, Тутукарова Мария Васильевна, Васильева Анастасия Петровна, Алексеев Михаил Афанасьевич. Үҥкүүһүттэр Лукин Филипп Петрович, Ылахов Иван Петрович, Кириллина Мария Дмитриевна, Иванов Михаил, Кириллина Анастасия Васильевна, Алексеева Александра Васильевна, Ылахова Надежда Иннконтьевна, Егоров Ариан Егорович, Чемчоева Люция Гаврильевна, Борисова Варвара. Ырыаһыттар Кириллина Мария Дмитриевна, Кириллина Анастасия Васильевна, Лукина Евгения Дмитриевна, Ылахова Надежда Иннокеньтевна, Иванова Анисья Прокопьевна, Васильев Кирилл Прокопьевич, Егоров Ариан Егорович, Васильев Иван Семенович, Алексеева Анна Даниловна. Хомусчуттар Алексеев Михаил Афанасьевич, Алексеева Анна Даниловна, Тутукарова Мария Васильевна, Кириллина Анастасия Васильевна, Васильева Анастасия Петровна, Иванова Елена Гаврильевна. Тойуксуттар Алексеев Михаил Афанасьевич- фестиваль лауреата. Оһуохайдьыттар Алексеев Михаил Афанасьевич, Иванов Гаврил Егорович, Васильева Анастасия Петровна, Тутукаров Алексей Алексеевич, Тутукарова Мария Васильевна, Сидоров Ванифатий, Кылабысова Мавра Федуловна, Григорьева Мария Дмитриевна, Кириллина Анастасия Васильевна.

Араас кэмҥэ үлэлээбит кулууп үлэһиттэрэ, библиотекардара антибригада тэрийэн фермалары, отучуоттары кэрийэн араас агитационнай үлэлэри ыыталлара, концертары көрдөрөллөрө, кыһыл муннуктары тэрийэн үлэһит дьон үлэлэрин бэлиэтээн көрдөрүүгэ таһаараллара. 1970 сыллаахха Васильев Гаврил Ионович көҕүлээһининэн туох да харчыта суох эргэ кулууптарын кэҥэппиттэрэ. Киэҥ-куоҥ сыаналаах, саалалаах, киинэ көрдөрөр буудкалаах гына туппуттара. Дьэ, манна үлэ күөстүү оргуйан совхозтарынан ыытыллар оройуоннааҕы фестивальга, нэһилиэк иһинэн ыытыллар куонкурустарга, күрэхтэргэ хаалсыбакка барытыгар активнайдык кытталлара. «Мастаах» совхозка

 Үөһээ бүлүүгэ аһаҕас массыынанан айаннаан гастролга сылдьаллара, ол курдук кинилэр активнай позициялаах этилэр, ону барытын олохтооох сэбиэт үлэһиттэрэ өйүүр, көмөлөһөр этилэр. Ол кэмнэргэ сэбиэт председэтиэлинэн Лукин Филипп Петрович, Онопров Прокопий Алексеевич олорбуттара. 1976 сыллаахха директорынан Борисов Виталий Павлович, уус-уран салайааччынан Васильева Мария Николаевна.

1979 сыллаахха директорынан Григорьева Марфа Захаровна, уус -уран салайааччынан Дадаскин Семен.

1982 сыллаахха директорынан Спиридонова Акулина Ильинична уус-уран салайааччынан Иванов Егор Алексеевич, Иванов Егор Алексеевич бу кэмҥэ үлэлии сылдьан «Күүлэкээн уоттара» вокальнай инструментальнай ансамбль ВИА тэрийбитэ. Манна эдэр ыччат олох умсугуйан туран кыттыбыттара. Аттынааҕы нэһилиэктэригэр, «Мастаах» совхохка, Үөһээ бүлүү баран гастроллаан элбэх сэҥээриини, махталы ылбыттара. Оройуоннааҕы фестивалларга кыттаннар Бүлүү оройуонугар эмиэ биллибиттэрэ. Бастаан тэриллибитин саҕана уолаттар эрэ ыллыыр этилэр: Унаров Егор Егорович, Спиридонов Степан Яковлевич, Чорохоев Прокопий Иванович. Онтон кэлин кыргыттар ыллыыр буолбуттара: Спиридонова Елена Егоровна, Васильева Розалия Иннокентьевна, Лукина Алла Ивановна, Иванова Анна Егоровна, Николаева Айталина Гаврильевна. Ол таһынан эмиэ элбэх ырыаһыттары таһаартаабыта. Ол курдук: Дмитриева Татьяна Егоровна, Семенова Матрена Ивановна, Софронова Нина Иннокентьевна. 1996 сылга күн сириттэн сүппүтэ. Онуоха дылы кини кулууп үлэлээбэтэҕин да иһин туох баар культурнай үлэҕэ активнайдык кыттар, наставник курдук сылдьыбыта. Кинини чиэстээн 1997 сылтан «Күүлэкээн уоттара» ырыа куонкурса тэриллибитэ, билигин ол куонкурус кэҥээн, улаатан улууснай хабааннаах буолбута. 1984 сыллаахха директорынан Лукина Алла Ивановна, уус-уран салайааччынан Васильева Розалия Иннокентьевна Дьокуускайдааҕы культурнай сырдатар училищены саҥа бүтэрэн кэлбитэ. Розалия кэллэ кэлээт ансамбльга ритм гитараҕа оонньообута. ВИА «Күүлэкээн уоттара» Бүлүүгэ районнааҕы ВИА конкурстарыгар баран кыттыыны ылбыттара. Үгүлээт нэһилиэгэр 1987 сыллаахха «Ырыа -87» ВИА конкурсугар кыттаннар ансамбль солистката Елена Егоровна бастакы лауреат аатын ылбыта, ансасбль састаабыгар бас гитара Алла Лукина, ритм гитараҕа Розалия Васильева, удаарнайга Тутукаров Анатолий, синтезаторга Юрий Спиридонов. Районнааҕы фестивалларга активнайдык кыттар этилэр. Элбэх ырыаһыт эдэр ыччаты таһаарбыттара: Тутукаров Анатолий Алексеевич билигин бастакы Күүлэккэ технология учууталынан үлэлии сылдьар. Софронова Антонина Анатольевна Республиканскай «Молодые таланты» фестиваль 2 ст. дипломана. Данилова Светлана билигин Дьөккөн нэһилиэгэр олорор. Федотова Зоя Кирилловна, Васильева Клавдия Григорьевна. 1987 сылга Николаева Айталина Гаврильевна «Кылыһах» фольклорнай ансамбль тэрийэн улэлэппитэ. Оройуоннааҕы конкурска ситиһиилээхтик кытталлара. 1989 сылга лауреат аатын ылбыттара. Ол саҕана кулууп үлэһиттэрэ фермаҕа кыһыл муннуктары оҥорон, толорон биэрэллэрэ, сарсыарда 6 чааска туран рейдэлэргэ сылдьаллара. «Молния» диэн хаһыат нэдиэлэ аайы таһаараллара. Общественнай үлэҕэ активнайдык кытталлара. Элбэх субуотунньуктар буолаллара. 1989 сыллаахха капитальнай ремонт оҥоһуллан, оһохторун көтүрэн итии систематын туруортаран уентральнай отоплениеҕа көспүттэрэ. Егоров Владимир Михайлович 1987 сыллаахха бибилиотекарынан, 1989 сылтан аҕыйах кэмҥэ кулуупка директорынан үлэлээбитэ, уус-уран салайааччынан Григорьева Варвара Николаевна. 1990 с. Варвара Николаевна директорынан үлэлиир кэмигэр уус-уран салайааччынан Алексеев Афанасий Михайлович үлэлии сылдьыбыта. 1990 с. оройуоннааҕы фестивальга бастакы миэстэни ылан Бүлүүгэ киирэн көрдөрбүттэрэ. 1993 с. Десенко Екатерина Алексеевна көҕүлээһининэн женкомитет тэриллибитэ. Манна сааһыттан хааччаҕа суох ким баҕалаах ийэ барыта киирэн түмсэллэрэ, культурнай-сырдатар хамсааһыннара барыта кулууп иһинэн буолара. Женкомитет көҕүлээһининэн Күүлэт туөлбэҕэ суорумньу биэчэрэ ыытыллыбыта. Нэһилиэк администрациятын баһылыгынан Иванов Андрей Алексеевич үлэлии олорон нэһилиэккэ түөлбэннэн тэрээһиннэри саҕалаабыта. Бу тэрээһин эмиэ кулууп үлэтигэр улахан төһүү күүс буолбута. 1992 с. Николай Петрович Охлопков уус-уран салайааччынан үлэлии киирбитэ. Ол сылларга кэргэнэ Унарова Анна Владимировна оскуола оҕолоругар фольклорнай ансамбль тэрийэн элбэх конкурстарга сылдьыбыттара. Бүлүүгэ хотон Якутскай куоракка «Полярная звезда» конкурска кыттан кэлбиттэрэ. «Күүлэкээн сулустара» үҥкүү күрэҕэ тэриллэн ыытыллыбыта. Манна Күүлэт түөлбэтин оскуола саастаах оҕолор кэлэн кыттыыны ылаллара. «Күүлэкээн уоттара» ырыа конкурса сылын аайы ситиһиилээхтик ыытыллар. 1993 с. кулууп дьиэтэ «Дьүкээбил» диэн ааты ылыммыта. 1994 с. уус-уран салайааччынан Спиридонов Юрий Иванович үлэлии киирбитэ, салгыы 2004 с. директорынан үлэлээбитэ, уус-уран салайааччынан Иванова Христина Дмитриевна уонна Васильева Розалия Иннокентьевна. Христина Дмитриевна салайыытынан 2005 с. оскуола оҕолоругар «Театр  мод» тэриллибитэ. 2005 с. кустовой конкурска баран бастакы миэстэни ылан «Полярная звезда» улуустааҕы конкурска кыттан «Юный талант» номинацияҕа тиксибиттэрэ. 2006 с. «Буратино» кукольнай театр үлэтин саҕалаабыта. «Олох суола» хаһыакка ситиһиилээх үлэлэрин туһунан тахсыбыта. Алексеева Татьяна Христофоровна уонна Спиридонова Акулина Ильинична үҥкүү кружоктарын үлэлэтэллэрэ. 2007 с. -2009 с. дылы Бүлүүгэ, Намҥа уо.д.а конкурстарга кыттан үрдүк сыанабылы ылбыттара. Онно үҥкүү таҥаһын муодалааһыҥҥа уонна тигиигэ улахан оруолу «Көмүс сүүтүк» кружок салайааччыта Христина Иванова ылбыта. Нэһилиэк баһылыга Иванов Андрей Алексеевич кулуубу саҥардарга иилээн-саҕалаан, үбүн көрдөрөн салайбыта. Кулууп директора Спиридонов Юрий Иванович бэйэтинэн сүүрэн-көтөн үлэлэспитэ. 2011 с. күһүнүгэр эргэ кулуубу көтүрэн турар миэстэтин уларытан саҥа кулууп тутуллубута. 2014 с. олунньу ыйга киирбиттэрэ. Салгыы 2021 с. Иванов Александр Владимирович директорынан үлэлээбитэ. Ол кэнниттэн 2022 с. Иванова Христина Дмитриевна улэлии-хамсыы сылдьар. Кулууп иһинэн 24 түмсүү улэлиир:

— «Дьэргэлгэн» фольклорнай ансаамбыл салайааччы Федотова С.В.

— «Күүлэкээн оҕолоро» ДПИ Дмитриева М.В.

— «Ньургуһун» үҥкүү бөлөҕө Григорьева В.Н.

— «Кылыһах» фольклорнай ансаамбыл Федотова С.В.

— «Туосчаана» ДПИ Васильева Н.И.

— «Кибер спорт» Тимофеев А.И.

— «Теннис» Тимофеев А.И.

— «Талбаана» ДПИ Дмитирева М.В.

— «Айаана» ДПИ Дмитриева М.В.

— «Настольные игры» Иванова Х.Д.

— «Сардаца» үҥкүү бөлөҕө Алексеева Т.Х.

— «Сарыал» үҥкүү бөлөҕө Григорьева В.Н.

— «Алаһа» түмсүү бөлөх Петрова А.Г.

— «Бильярд» Тимофеев А.И.

— «Дохсун» ырыа ансаамбыла Федоров А.Р.

— «Движение жизнь» скандинавская ходьба Федорова Ж.Е.

— «Кисточка» уруһуй куруһуога Иванова А.Е.

— «Экибана» үҥкүү бөлөҕө Алексеева Т.Х.

— «Дорҕоон» хоһоон

— «Хозяюшка» Спиридонова А.И.

— «Арт театр кружок» Спиридонова И.С.

— «Туһалаах сүбэлэр сонуннар» Спиридонова А.М.

— «Звездочки» Григорьева А.Г.